Club News

أسئلة واجوبة عامة،،

سؤال رقم 7/ اكو سيارات استيراد امريكا بس قسم منها مضروبة، ارجو توضيح منشأ هذه السيارات .

جواب/ هناك نوعين من السيارات المستوردة من الولايات المتحدة، سيارات مستعملة بدون ضربات سابقة وهي سيارات تصنع للسوق الامريكي وخاصة السيارات اليابانية الامريكية مثل لكزس، هوندا، تويوتا، نيسان، انفنتي، اكيورا هذه السيارات تصنع في امريكا وليس في اليابان للسوق الامريكي اي مواصفاتها هي خاصة بامريكا وعادة" تكون احسن نوعية من السيارات المستوردة لدول الخليج او الشرق الاوسط عامة. اما  السيارات المضروبة هي السيارات التي تباع عن طريق مزادات شركات التأمين الامريكية، عادة تباع بسبب حوادث قد تتعرض لها وتقرر شركات التأمين بيعها في مزادات السيارات المضروبة (او مزادات شركات التأمين) لان تصليحها يكون اكثر من ثلث قيمتها السوقية. يعني اي سيارة تتعرض الى حادث يتم تقييم الضرر عن طريق قسم خاص لدى شركات التأمين ومن ثم تعويض صاحبها بكامل قيمتها السوقية وارسالها للبيع لان تصليحها يكون غالي مقارنتا" بسعرها. قسم من هذه السيارات جيدة بسبب ضرباتها الخفيفة والتي ممكن تصليحها بسهولة في الدول العربية وتكون صالحة للاستخدام بدون اي مشكلة.<<<

سؤال رقم 6/ اريد اعرف شنو يعني سيارات هايبرد، يعني شلون تشتغل ؟

جواب/ سيارات الهايبرد هي سيارات تعمل على البنزين ولكن محركات الهايبرد تحتوي ايضا على محول كهرباء عالي القوة يعمل مثل عمل الداينمو يشحن بطاريات اضافية داخل الصندوق او تحت الكراسي الخلفية تعمل بدورها على تغذية ماطور كهربائي داخل الكير لمساعدة الكير بالدوران بدون قوة محرك البانزين او في بعض الاحيان معه وذلك لتوفير صرف البنزين عن طريق ايقاف المحرك البنزين في حالة الوقوف عند الاشارات الضوئيية او الازدحامات بصورة عامة. ايضا كير السيارات الهايبرد متطور بتكنلوجيا جديدة بدون غيارات اي بدون تبديل بالكير وبنمرة واحدة للامام. سيارات ناجحة جدا .                                                                                       

سؤال رقم 5/ اني ملأت استمارة عن طريق الشركة العامة للسيارات, زين اشوكت استلم السيارة ؟

جواب/ اخي العزيز لازم تراجع الاسماء الفائزة بالسحب ومواجعة مقر الشركة العامة للسيارات.

سؤال رقم 4/ شنو رأيكم بسيارة السمند الناطق التكسي، شنو عيوبها وهل هي احسن من التكسي ؟

جواب/ احسن الموجود من فئة الايراني والصيني ورزنه وتمشي زين ودواخلها حلوة. اني ماحبيتها والبرنس مليون مرة اشرف نصيحة لله. صديقي عنده وحده ماشيه 17 الف هسه وكلش مرتاح منهه وهو جناي ياباني يعني اله نظره بالسيارات.

سؤال رقم 3/ بخصوص دهن المحركات.. اخوان مثل متعرفون اكو هواي نوعيات دهن بالسوك واريد اعرف احسن نوعيه لسيارة حديثه 2010 والدنيا حارة والتبريد مشتعل ؟

جواب/ اني استخدم الف حته صوت المحرك يختلف من ابدل دهن. اني كلولي خلي لوكي مولي الماني الصنع. اني استعمل كاسترول القوطية خو ش دهن ومامغشوش هيجي نسمع. أهم شي تعرف رقم المتغير مال دهن يعني رقمه وعادة يكون مكتوب على قبغ الدهن مال المكينة  مثلا رقم 10 دبليو 30 او 5دبليو 20 . اني استعمل ليكيو مولي ارقه دهن بس تاكد من الرقم بسيارتك

سؤال رقم 2/ اريد اعلن سيارة بس ماعندي كاميرة دجتل ومااعرف استخدم الكمبيوتر تكدرون تساعدوني بهذا الموضوع ؟

جواب/ اخي العزيز انشاء الله نكدر ندزلك شخص من طرفنا مضمون وامين ياخذلك صور لسيارتك وينزلها على مواقع الكترونية مثل مريدي او سوق العراق او غيرها ويضل يتابعلك الاعلان كل مايقدم يجدده الى ان تنباع السيارة انشاء الله بس ب 40 الف دينار

سؤال رقم 1 / السلام عليكم، استلمت سيارة من الاسكندرية بس اريد اعرف شلون الترقيم يكون من الكاظمية والمعاملة تطول لو لا ؟

جواب/ ملازم فراس.. عليكم السلام، الترقيم يصير ورة فترى لاتقل عن 15 يوم بس متوصل 20 يوم واني شديت رقم  ب 16 يوم

رقم بغداد 6 ارقام مشدود على كورونا تمشي السعر 40 ورقة، اتصل على تلفون 07702889183 صلاح